Þjónustuapp fyrir
þitt sveitarfélag

Við vildum að íbúar þyrftu ekki að leita að því hvenær tunnan er tæmd eða sundlaugin opin, heldur hefðu það í símanum. Hálfu ári eftir útgáfu er appið komið á fleiri en annað hvert heimili í Fjarðabyggð og notkunin heldur sér. Það segir mér að þetta var rétt ákvörðun.

Í Fjarðabyggð viljum við nýta stafrænar lausnir til að einfalda daglegt líf íbúa og bæta aðgengi að þjónustu og upplýsingum. Fjarðabyggðarappið er mikilvægt skref í þeirri vegferð og góðar viðtökur sýna að við erum á réttri leið. Samstarfið við Markaðsdeildina hefur verið afar gott, einkennst af fagmennsku, frumkvæði, liprum samskiptum og skjótum viðbrögðum. Opið og skapandi samtal hefur jafnframt leitt af sér nýjar hugmyndir og lausnir sem komist hafa hratt af hugmyndastigi í framkvæmd. Við sjáum mikil tækifæri til frekari þróunar á appinu og þannig auka miðlun og þjónustu til íbúa Fjarðabyggðar.

Fjarðabyggðarappið hefur reynst okkur vel við að miðla upplýsingum til íbúa og við höfum fundið fyrir ánægju með það. Þar má á einfaldan og fljótlegan hátt finna næstu strætóferð, sjá hvenær sorpið verður sótt eða athuga opnunartíma. Við höfum sérstaklega orðið vör við að ungt fólk nýtir sér strætóupplýsingarnar. Appið hefur einnig reynst mikilvægur farvegur fyrir tilkynningar um tímabundnar lokanir, til dæmis vegna veðurs. Næsta skref er nýtt ábendingakerfi sem auðveldar okkur að fylgja ábendingum eftir og upplýsa íbúa þegar þeim hefur verið sinnt.